 |
| Gareth Bale ស៊ុតបញ្ចូលទីអោយ Real Madrid យកឈ្នះ SD Huesca មួយទល់នឹងសូន្យ |
កីឡាករជម្រើសជាតិវ៉ែលរូបនេះ ស៊ុតបញ្ចូលទីបានសម្រេចខណៈការប្រកួតចាប់ផ្តើមទើបតែបាន ៨នាទីប៉ុណ្ណោះ - គ្រាប់បាល់នេះជាគ្រាប់បាល់ដំបូង បន្ទាប់មិនអាចស៊ុតបញ្ចូលទីដែលរូបគេមាន
វត្តមានលេងអស់រយៈ ៨០២នាទីមកហើយ។
កីឡាករ SD Huesca បង្ហាញទំរង់យ៉ាងស្វាហាប់ ដោយក្តីរំពឹងយ៉ាងមុតមាំថាអាចរកបានមួយពិន្ទុមកវិញ ប៉ុន្តែជាអកុសល្យ ក្រុមមួយនេះធ្វើមិនបានសម្រេច ស្របពេលដែលពួកគេមានឱកាសល្អៗជាច្រើនលើក។
លទ្ធផលនេះបានជួយអោយ Real Madrid ឡើងទៅឈរលំដាប់ទី ៤ ក្នុងតារាង តាមពីក្រោយ Barcelona ចំនួន ៥ពិន្ទុ។ ឯ SD Huesca វិញនៅឈរបាតតារាងដដែល បន្ទាប់ពីមិនអាចរកជ័យជំនះសោះតាំងពីខែ សីហា មក។
គ្រូបង្វឹក Real Madrid លោក Solari នៅតែរក្សាទំនុកចិត្តអោយ Gareth Bale លេងលើតំបន់ប្រយុទ្ធមុខ បន្ទាប់ពីទទួលបានជោគជ័យក្នុងការដាក់កីឡាករវ៉ែលរូបនេះឱ្យដឹកនាំក្នុងការប្រកួត Copa eel Rey កាលពីពាក់កណ្តាលសប្តាហ៍។
ក្នុងការប្រកួតនេះ Bale ស្ទើតែអាចរកគ្រាប់បាល់ទី២បានទៅហើយ ក៏ប៉ុន្តែជាសំណាងដែលកីឡាករ Jovanovic របស់ SD Huesca អាចជួយសង្គ្រោះបាន។
ថ្វីបើការប្រកួតនេះ Real Madrid អាចរកបាល់បញ្ចូលទីបានតែមួយគ្រាប់ ប៉ុន្តែវាគឺជាជ័យជំនះទី៨ ក្នុងការលេង ៩ប្រកួត ក្រោមការដឹកនាំរបស់លោក Solari ៕
មតិប្រិយមិត្ត៖ ស៊ុតចូលបានលឿន គួរតែមានគ្រាប់បាល់ច្រើនជាងនេះ! ក្រុមជើងឯកតំបន់អ៊ឺរ៉ុប បង្ហាញទំរង់លេងការពារទល់ក្រុមបាតតារាងក្នុងក្របខ័ណ្ឌខ្លួនឯង!
No comments:
Post a Comment